|
(Албатта Аллоҳ уни сизларнинг устингизга сайлади ва унга илмда ва жисмда қувватни зиёда қилди. Аллоҳ мулкини Ўзи истаган кишига беради. Аллоҳ (фазлу карами) кенг, билгувчидир).
Шу ўринда икки нарсани мулоҳаза қилиб ўтайлик:
а) Аллоҳ подшоҳлик учун керакли бўлган нарсалар орасида улар тилга олган бойликни қайд қилмади. Демак, бойлик бу борада иккинчи даражали нарсадир. Ҳокимиятни бошқариш учун бойлик бирламчи нарса эмас. Балки ишлашга қувват бўлиши учун бир егулик топилса, шунинг ўзи кифоя. Қобилиятли камбағал қобилиятсиз бойдан устундир.
б) Аллоҳ илмни жисмдан олдинга қўйяпти. Негаки, халқни зафар ва нажот сари бошлаб боришда илм жисмдан кўра кераклироқ омил.
إِنَّ آيَةَ مُلْكِهِ أَن يَأْتِيَكُمُ التَّابُوتُ فِيهِ سَكِينَةٌ مِّن رَّبِّكُمْ وَبَقِيَّةٌ مِّمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلآئِكَةُ
(Унинг подшоҳ бўлиб сайланганлигининг аломати — сизларга бир сандиқ келишидирки, унда Парвардигорингиз томонидан ҳотиржамлик ва Мусо ва Ҳорун оилаларидан қолган мерос жо қилинган бўлиб, фаришталар кўтариб турадилар).
Аллоҳнинг Китобида ҳам, Пайғамбар с.а.в.нинг суннатларида ҳам бу тобут хусусида ҳеч нима дейилмаган. Оятнинг оқимидан ва луғатдан тушунилиши мумкин бўлган маъно шуки, (التَّابُوتُ ) сандиқ, деган маънони англатади. Бу сандиқ улар учун жуда улуғ нарса бўлган. Унинг мавжудлигининг ўзи дилларга хотиржамлик бахш этган. Уруш пайтида душманларидан қўрқмаганлар. Бу сандиқда Мусо ва Ҳорун а.с.лардан қолган осорлар сақланиб қолган.
Бу сандиқ йўқолиб қолганди. Аллоҳ унинг қайтарилишини Толутнинг Аллоҳ томонидан юборилган подшоҳлиги ҳақиқийлигига далил қилди.
Аллоҳнинг белгиси-аломати амалга ошди. Фаришталар тобутни олиб келишди. Шу билан улар Толутнинг ўзларига подшоҳ қилиб юборилганига имон келтиришиб, уни тасдиқлашиб, у билан бирга душман билан жанг қилишга жўнадилар.
Фаришталарнинг тобутни қандай, қай тарзда, қаердан олиб келганлари ҳақида оятлар ҳам ҳеч гап айтмаган, Пайғамбар с.а.в.дан ҳам ҳеч қандай ҳадис ворид бўлмаган. Шунинг учун ҳужжатда нима дейилган бўлса, ўша билан чекланамиз-да, бундай ҳолатлар ҳақидаги санадсиз ривоятларга ўтмаймиз.
(التَّابُوتُ ) сандиқ. Аслида бу сўз қайтиш маъносини англатади. Чунки сандиқдан чиққан нарса яна унга қайтади. Унинг эгаси керак бўлган пайтда унга қўйган нарсасига қайтади, мурожаат қилади.
94-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232